CRADOCK NUUS - Die twee Gerber-boeties van Cradock het weer uitmuntend gevaar tydens die SANESA Boerperd Ruiterkuns-uitdunne, wat op 25 Mei in Cradock en 26 Mei in Somerset-Oos plaasgevind het. Hulle afrigter, Christene Steynberg, het ook deelgeneem en goeie resultate behaal.
BJ Gerber (4) het op Saterdag 25 Mei in Cradock deelgeneem en behaal twee eerste plekke in twee afdelings. Op Sondag 26 Mei het hy ook in Somerset-Oos gaan deelneem en daar ook twee eerste plekke behaal.
JC Gerber (7) het ook op Saterdag 25 Mei aan SANESA in Cradock deelgeneem en behaal 'n derde en vierde plek. In Somerset-Oos behaal hy twee tweede plekke.Albei die seuns het op die gesin se perd, Waterskrans Topic, deelgeneem.
JC Gerber en die gesin se perd, Waterskrans Topic.
‘Ons bring jou die nuutste Tuinroete, Hessequa, Karoo nuus’
