OOS-LONDEN NUUS - 'n Woordvoerder van die Oos-Kaapse departement van vervoer het bevestig dat 'n transitorooftog op die N6 naby Ducats net buite Oos-Londen, in die rigting van Komani, 'n tydjie gelede plaasgevind het.
"Die kontantwa is gebombardeer en verkeer word erg geraak," lui die verklaring.
Die misdaadtoneel bly aktief terwyl die polisie die toneel steeds fynkam.
Die pad sal na verwagting vir nog 6 tot 8 uur gesluit wees. Motoriste word aangeraai om daardie pad te vermy.
Video: Departement van vervoer
‘Ons bring jou die nuutste Tuinroete, Hessequa, Karoo nuus’
