Update
OOS-KAAP NUUS - Die Oos-Kaapse departement van vervoer vra dat familielede wat moontlik kan help met die uitkenning van die slagoffers wat Saterdagnag, 3 Mei, in 'n gru-ongeluk naby Maqoma (Fort Beaufort) op die R63 dood is, na vore kom.
Die verwoestende kop-aan-kop botsing tussen 'n bakkie en 'n minibustaxi wat op pad was van Qonce na Kaapstad, het 15 lewens geëis.
"Die Oos-Kaapse departement van vervoer doen 'n beroep op gesinne om te help met die identifisering van die R63-ongelukslagoffers," sê Unathi Binqose, mediawoordvoerder van die Departement van Vervoer.
Die oorledenes is na die Maqoma-lykshuis geneem. Gesinne wat wil bevestig of hul geliefdes betrokke was, word versoek om dringend kontak te maak met Kaptein Fete (SAPS Maqoma) by 082 090 2742.
Owerhede werk daaraan om die identifikasieproses te bespoedig en ondersteuning aan geaffekteerde gesinne te bied.
Die Suid Afrikaanse Polisiediens en die Nasionale Departement van Vervoer betuig hul innige meegevoel aan almal wat deur hierdie tragedie geraak is.
‘Ons bring jou die nuutste Tuinroete, Hessequa, Karoo nuus’
