OOS-KAAP NUUS - Die Oos-Kaapse Departement van Vervoer, deur middel van 'n entiteit van die departement, die Mayibuye Transport Corporation (MTC), het op 28 Oktober 'n nuut aangeskafde gestremdheidsvriendelike bus by sy Zwelitsha-depot in Qonce geloods.
Volgens Unathi Binqose, woordvoerder van die departement, verteenwoordig die bus 'n belangrike mylpaal om 'n inklusiewe en toeganklike openbare vervoerstelsel te bou.
Die spesiaal ontwerpte bus vorm deel van die departement se breër agenda om mobiliteit vir alle burgers te verbeter, veral persone wat hindernisse ondervind om toegang tot betroubare en waardige openbare vervoer te verkry.
Die voertuig is toegerus met universele toegangskenmerke, insluitend 'n rolstoelhyser, laevloer-ingang, prioriteitsitplekke en bykomende veiligheidstoebehore om 'n gemaklike reis vir alle passassiers te verseker.
Die LUR vir Vervoer, Xolile Nqatha, het MTC geprys vir die leierskap in inklusiewe dienslewering wat hy aan die dag gelê het.
“Deur innovasies soos hierdie gaan ons voort om betekenisvolle vordering te maak in die rigting van 'n billike vervoerlandskap in die Oos-Kaap,” het Nqatha gesê.
Die bekendstellingsgeleentheid is bygewoon deur belanghebbendes in die vervoersektor en lede van die gemeenskap.
‘Ons bring jou die nuutste Tuinroete, Hessequa, Karoo nuus’
