NIEU-BETHESDA NUUS - Nieu-Bethesda het Vrydag 27 Junie met swaar harte afskeid geneem van twee geliefde en kosbare inwoners, Gregg Price en Nicola de Chaud.

Gregg Price, die talentvolle kunstenaar en die stigter van die bekende Gregg Price-galery, en sy vrou, Nicola de Chaud, verlaat Nieu-Bethesda permanent.

Gregg is nie net bekend vir sy kuns nie; hy was ook die skepper van die pragtige labirint ter ere van sy seun wat hy vir almal oopgestel het. 

Hierdie labirint het reeds aan talle besoekers en plaaslike inwoners vele vrede, besinning en inspirasie gebring. 

Saam het Gregg en Nicola 'n reuse bydrae tot die kreatiewe en kulturele gees van die dorp gelewer.

Die kunsgemeenskap en die hele Nieu-Bethesda sal die egpaar se warmte, kreatiwiteit en vriendelikheid geweldig mis.

“Gregg en Nicola het alles wat hulle kon bied met die gemeenskap van Nieu-Bethesda gedeel," het Nieu-Bethesda Toerisme tydens die afskeid gesê. 

"Die gemeenskap wens hulle die beste van alles toe – mag hul nuwe avonture net so kleurvol en inspirerend wees soos die tyd wat hulle hier deurgebring het."

‘Ons bring jou die nuutste Tuinroete, Hessequa, Karoo nuus’