HOFMEYR NUUS - Die gemeenskap van Hofmeyr het afskeid geneem van twee geliefde onderwysers.
Oosten en Avice Steenkamp verhuis eersdaags na Port Alfred.
Die Steenkamp-gesin het in Desember 1992 vanaf Bedford na Hofmeyr verhuis. Oosten het as onderwyser by Hoërskool Phakama begin werk en Avice het in 1997 by Laerskool Hofmeyr begin. Sy is in 2007 as skoolhoof aangestel en het die pos gevul tot Desember 2021. Oosten is later ook by Laerskool Hofmeyr aangestel.
Oudleerders en hul ouers beskryf haar as 'n uiters bekwame skoolhoof wat drie landstale magtig was.
"As skoolhoof was Avice Steenkamp 'n goeie leier; geliefd onder leerders en personeel; positief en gemotiveerd; hardwerkend; goed opgelei (vlot in Engels, Afrikaans en Xhosa) en sy het tot met haar bedanking self klas gegee. Avice het deernis en geduld met kinders en mede-fasiliteerders openbaar. Sy het deur haar voorbeeld gelei," deel Retha Smit, fasiliteerder wat saam met Avice by Laerskool Hofmeyr betrokke was.
Die egpaar was betrokke by Hofmeyr-landbouvereniging, Hofmeyr VLV, Hofmeyr se kerkkoor, Hofmeyr-tuinbouklub en was uitmuntende sportsterre by Hofmeyr-sportklub en Hofmeyr-rolbal.
'Ons bring jou die nuutste Hofmeyr, Karoo nuus'
