KARIEGA NUUS - Sewe mense is vroeg vanoggend dood en verskeie ander beseer in ’n botsing tussen ’n minibus-taxi en ’n bus in Uitenhage.

Volgens ’n woordvoerder van die Departement van Vervoer, Unathi Binqose, het die voorval plaasgevind toe ’n volgelaaide minibus-taxi wat inwoners van KwaNobuhle, ’n woonbuurt buite die dorp, werk toe vervoer het, na bewering ’n U-draai gemaak het voor ’n aankomende Algoa-bus, wat slegs die bestuurder aan boord gehad het.

Die bus het met die passassierskant van die taxi gebots.

Nooddienste was vinnig op die toneel. 

’n Totaal van 18 mense is op die toneel behandel. 

Twee passassiers met ernstige beserings en ander met verskillende grade van beserings is na nabygeleë mediese fasiliteite vervoer vir behandeling.

’n Ondersoek na die oorsaak van die ongeluk sal geloods word.

‘Ons bring jou die nuutste Tuinroete, Hessequa, Karoo nuus’