GRAAFF-REINET NUUS - Welkome reën het laat Dinsdagaand en vroeg Woensdagoggend oor Graaff-Reinet uitgesak.
Greg Kappers het 13 mm in Somersetstraat aangeteken, Andre Bouwer het 5 mm in Spandauville gemeet en Otto Sparrius het 14 mm in Greeffstraat aangeteken.
Sigrid Tillney het dan ook 15 mm in die dorp gemeet terwyl Kobus Nel 7 mm in Spandauville aangeteken het.
Volgens Garth Sampson, woordvoerder van die Suid-Afrikaanse Weerdiens, is daar 5.4mm vir Graaff-Reinet aangeteken.
Inwoners het hul vreugde hieromtrent luidkeels op sosiale media uitgespreek en met koel en bewolkte weer wat tans in Graaff-Reinet ervaar word, word daar nog sterk gehoop vir ‘n ekstra reënbui.
'Ons bring jou die nuutste Graaff-Reinet, Karoo nuus'
