GRAAFF-REINET NUUS - 'n Dr Beyers Naudé munisipale raadslid, Joy Williams, se hulpkreet om haar munisipale wyk skoon te maak, het nie op dowe ore geval nie.

Williams het in Mei die munisipaliteit aangevat oor 'n tekort aan dienslewering en vuil strate in wyk 14, wat Asherville en Santaville insluit.

Wilca Smith, woordvoerder vir die munisipaliteit, het op navraag van die Advertiser gesê dat "die munisipaliteit nie fondse het om enige verdere skoonmaakdienste, anders as die waarvoor daar begroot is, te lewer nie."

Williams het aanhou veg om haar droom om 'n skoon wyk te dien, te bewaarheid.

Op Dinsdag 14 Junie het ongeveer 100 werkers van die munisipale ondersteuningsdienste, en die Oos-Kaapse Departement van Samewerkende Regering en Tradisionele Sake, ingespring en begin om opruimingswerk in wyk 14 te doen. Williams het nie teruggestaan nie en self ook hand bygesit.

Die munisipaliteit het haar tegemoetgekom en sakke vol vullis begin wegry.

Die projek is steeds aan die gang.

'Ons bring jou die nuutste Graaff-Reinet, Karoo nuus'