Gallery Video
GRAAFF-REINET NUUS EN VIDEO - Honderde motorfietsryers van reg rondom Graaff-Reinet het vanoggend, 29 Augustus, in dié dorp saamgetrek, om hul ondersteuning teen plaasmoorde te wys. Dit vorm deel van 'n nasionale saamtrek.
Volgens een van die organiseerders, Basjan Mulder, het bikers van Graaff-Reinet, Middelburg, Cradock en Aberdeen deelgeneem. Daar was nie net motorfietse betrokke nie, maar ook motors en bakkies. "Stop alle moorde," het op een van die bakkies gestaan, en baie motorfietse het wit kruise voorop gehad.
"Ons groot doel is dat almal betrokke sal raak by die bewusmaking van plaasmoorde," het Mulder aan die Advertiser gesê.
Fotogalery: Motorfietsryers trek saam teen plaasmoorde
Die groep het vanaf Tyremart in Kerkstraat gery, om die NG Grookerk, en uit op die N9 na Middelburg se kant toe. Buite Graaff-Reinet het hulle by 'n aftrekplek bymekaargekom, en later weer vertrek terug dorp toe.
Kyk 'n video hieronder:
Motorfietse het wit kruise voorop gehad.
Kinders buite Graaff-Reinet kyk na die motorfietse.
'Ons bring jou die nuutste Graaff-Reinet, Karoo nuus'
