GRAAFF-REINET NUUS - Die wel-bekende liggies van Acaciastraat in Kroonvale is Sondag aangeskakel, en gemeenskapslede en kuiergaste is deur hierdie pragtige aanskouing betower. 

Hierdie tradisie, waartydens al die huise in dié staat met Kersliggies versier word, duur al vir 20 jaar. 

Die nie-winsgewende projek is self deur die inwoners van die straat geloods om geld vir die plaaslike kanker vereniging in te samel. 

Tydens Sondag se geleentheid het jonk en oud die liggies bewonder, maar veral die kinders het dit geniet. Dit is beslis 'n geleentheid vir die hele gesin wat inwoners nie moet misloop nie. 

Die liggies sal aan wees tot 31 Desember, en tussen 8nm en 9nm kan kuiergaste musiek, sang en opvoerings geniet.

In die Karoo ry Kersvader 'n fiets! Hierdie kinders kon nie wag vir die Acaciastraat-liggies om aangeskakel te word nie. Foto: Paula-Ann Smit

'Ons bring jou die nuutste Graaff-Reinet, Karoo nuus'