RUGBY NUUS - Cravenweek - Hoër Landbouskool Marlow het ses o.18-spelers in die Craven-weekspan gehad, Francois van der Ryst, Burrie van Heerden, Dempers Meyer, Aiden de Villiers, Leonard Booysen en MC Strydom.
Die Cravenweek het vanaf 3 tot 8 Julie by Outeniquapark in George, plaasgevind. Tydens die opwarmingswedstryde het OP 10 - 29 teen SWD verloor en Grens 58 - 14 gewen.
Hulle het uitstekend tydens die Cravenweek gevaar en al hul wedstryde gewen.
- OP wen Vrystaat met 26 - 23
- OP wen Boland met 40 - 26
- OP wen Sharks met 33 - 22.
Akademieweek
Drie rugbyspelers van Marlow het aan die Akademieweek-toernooi in Kensington, Johannesburg, deelgeneem.
Dié toernooi is vanaf 3 tot 7 Julie by Jeppe High School for Boys, aangebied. Die span het twee opwarmingswedstryde gespeel en albei gewen, OP wen 27 - 24 teen SWD en 24 - 22 teen Grens.
Die span het goeie wedstryde tydens die Akademieweek gespeel, maar ongelukkig al drie hul wedstryde verloor.
- OP verloor met 42 - 48 teen WP
- OP verloor met 33 -39 teen Vrystaat
- OP verloor met 11 - 32 teen Griekwas
‘Ons bring jou die nuutste Tuinroete, Hessequa, Karoo nuus’
