CRADOCK NUUS - Twee perderuiters van Hoërskool Cradock het hulself op 21 Mei uitstekend van hul taak gekwyt tydens die uithourit by The Willows in Bloemfontein.
Alet Botha het deelgeneem op haar perd, El Sahra Yasmin. Sy voltooi 80 km en behaal die vierde plek vir jong ruiter asook die toekenning vir die bes voorbereide perd in 'n tyd van 4:39:52.
Haar gemiddelde spoed was 17,49 km/h.
Anne-Marie van Vuuren het haar kant gebring op haar perd, Wadrif Warrior. Sy voltooi 80 km en behaal die vyfde plek in 'n tyd van 5:14:46 teen 'n gemiddelde spoed van 15:55 km/h.
'n Totaal van sewe ruiters het op die dag deelgeneem.
'Ons bring jou die nuutste Graaff-Reinet, Karoo nuus'
