KAROO NUUS - Terwyl Oos-Kaapse klinieke met ‘n personeeltekort sukkel, was daar die afgelope jaar ‘n massiewe toename in tienerswangerskappe in die Oos-Kaap.
Die departement van maatskaplike ontwikkeling het hierdie Vrouemaand verklaar dat meer as 122 000 tieners die afgelope boekjaar geboorte geskenk het, met 2 716 jong meisies van 10 tot 14 en 119 587 tieners van 15 tot 19 jaar wat ouerskap in die gesig staar terwyl hulle self nog kinders is.
Optrede vereis
Alexandra Abrahams, LP en DA-adjunkwoordvoerder maatskaplike ontwikkeling, het onlangs 'n beroep op die departement gedoen om die kwessie aan te spreek en om aanpassings en beleidsaanbevelings te oorweeg.
Meisies so jonk as 9 jaar oud het die afgelope jaar swanger geraak.
In 'n poging om swangerskappe te beperk, het die departement van onderwys fasiliteerders in verskeie Oos-Kaapse skole aangestel om as assistente op te tree om voortieners en tieners deur hul skooljare te begelei met betrekking tot onthouding of veilige seksuele praktyke.
Dit is onwettig vir iemand om seks te hê met 'n maat jonger as 16 jaar, maar as die ouderdomsverskil tussen twee kinders wat beide instem tot seks minder as twee jaar is, sal die polisie hulle nie aankla nie en eerder berading aanbeveel.
’n Verslag van 2021 het bevind dat 33% van swanger meisies nie terugkeer skool toe nie.
‘Ons bring jou die nuutste Tuinroete, Hessequa, Karoo nuus’
