GRAAFF-REINET NUUS - Die Nasionale Bergkwaggaparkbewaarders het Vrydag 21 November by die hooftoegangsroete stop-en-deursoek-operasies uitgevoer as deel van hul daaglikse omgewingsbestuursinspektoraat (OBI) aktiwiteite.
Brent Whittington, bestuurder van die Camdeboo Nasionale Park, het gesê dat daar ‘n padblokkade by die toegangsroete na die kamp was, waar besoekers ingelig is rondom die omgewingsbeskermingsaktiwiteite wat in dié nasionale park toegepas word.
Die OBI is 'n netwerk van amptenare van verskeie regeringsdepartemente en bewaringsentiteite op nasionale, provinsiale en munisipale regeringsvlakke, wat getaak is om omgewingswetgewingte handhaaf en af te dwing.
Die tema vir vanjaar se OBI-dagviering op Vrydag 21 November was die Groen Skerpioene - die beskermers van die omgewing vir toekomstige geslagte.
Wetstoepassing
SANParke, as 'n verklaarde beskermde gebied, word beheer deur die Nasionale Omgewingsbestuur: Wet op Beskermde Gebiede (NEMPAA) van 2003. OBI's in SANParke het die mandaat om te verseker dat aktiwiteite binne die park voldoen aan hierdie wet en sy spesifieke omgewingsbestuurswette.
Hierdie wetgewing beheer biodiversiteit, beskermde gebiede, afval, luggehalte, kusbestuur en waterbronne binne die beskermde gebied.
Daar is 1 258 OBI's regdeur SANParke.
Piekniekbos
Whittington het aangekondig dat die Piekniekbos hierdie jaar vanaf Vrydag 12 Desember tot Sondag 4 Januarie oopgestel sal word vir besoekers.
Hekke na die Piekniekbos sal oop wees vanaf 07:00 tot 19:00 daagliks en streng risikobestuur sal gehandhaaf word.
Besoekers word versoek om ernstig te waak teen besoedeling van die omgewing.
‘Ons bring jou die nuutste Tuinroete, Hessequa, Karoo nuus’
