MIDDELBURG NUUS - Die leerders by Schoombee Primêre Skool, tussen Hofmeyr, Middelburg en Steynsburg, het verlede week 'n besoek ontvang wat 'n groot indruk op hulle gelaat het.
Die African Enterprise (AE) Foxfire Jeugspan se informele benadering to godsdiensonderrig het tot hul harte gespreek.
Hierdie jeugbedieningsgroep besoek skole in die Oos-Kaap om leerders deur middel van sang, dans, musiek, drama, en spelaktiwiteite met 'n godsiensboodskap te bedien.
Foxfire-bedieners het ook opleiding om jeuggroepe, kerke en kinderhuise te onderrig met betrekking tot dwelmmisbruikkwessies, seksmisbruik, alkoholmisbruik, en konflikhantering. Hulle lewer hierdie dienste in samewerking met kerke deur die African Enterprise.
Die AE Foxfire Jeugspan bestaan uit jongmense tussen 18 en 25 jaar wat 'n jaar van hul lewens aan die diens van God se koninkryk gee.
Spanne besoek skole, jeuggroepe, kerke, kinderhuise, tronke, klinieke en kolleges in en om die stede waarin hulle gebaseer is.
Foxfire se funksies
Foxfire se leierskapopleiding help skoolleiers om hul leierskapvaardighede te gebruik om 'n positiewe bydrae in skole te maak.
Die opleiding dek onderwerpe soos integriteit, waardes, visie, bediende-houding en konflikhantering. Die program is aktiwiteitsgebaseerd en gebruik 'n struktuur wat duidelik en kreatief is vir jongmense.
Foxfire fasiliteer ook lewensvaardigheidslesse in skole. Hulle is deeglik opgelei om kwessies soos dwelms, seks, alkohol, beroepsvoorligting, konflikhantering, visie/doelwitstelling, aksiebeplanning, kommunikasie en openbare redevoering te hanteer.
Een-tot-een berading met leerders word ook aangebied.
Die Foxfire Ministerie werk saam met kerke om evangelisasie en uitreik in gemeenskappe te doen.
Kerke sal dan die jongmense opvolg wat aandui dat hulle Christus wil volg.
Foxfire verskaf opleiding in evangelisasie as deel van hul werk met kerke. Hulle help ook jeugleiers om hul jeugbediening meer effektief te maak.
Dans, drama, getuienisse, poësie en oudiovisuele aanbiedings word ingesluit in hul programme om jongmense te bereik.
‘Ons bring jou die nuutste Tuinroete, Hessequa, Karoo nuus’
