KAROO NUUS - Vyf mense is dood en twee beseer in 'n multi-voertuigongeluk op die N10 vroeg vanmiddag. 

Die ongeluk, tussen twee swaarvragmotors en 'n bakkie wat passassiers vervoer het, het sowat 30 km van Cookhouse in die rigting van Gqeberha plaasgevind.

Die twee beseerdes is na die hospitaal vervoer.

Volgens 'n woordvoerder van die Oos-Kaapse Departement van Vervoer, Unathi Binqose, is die toneel afgeleë en is daar geen selfoonopvangs nie. 

Binqose sê die polisie werk nou saam met noodmediese dienste en wetstoepassingsagentskappe om inligting te versamel. 'n Saak van strafbare manslag is by die Cookhouse-polisiestasie geopen. 

Die pad is tans gedeeltelik oop vir verkeer en swaarvragmotors staan reeds etlike kilometers opgedam.

PE verkeersdepartement: Twee swaarvragmotors en 'n bakkie wat passassiers vervoer het, was in die ongeluk betrokke.

‘Ons bring jou die nuutste Tuinroete, Hessequa, Karoo nuus’