GRAAFF-REINET NUUS - So dikwels maak inwoners van Graaff-Reinet aanmerkings oor die swak toestand van die strate, staatsgeboue en die infrastruktuur van ons pragtige historiese dorp, en dan wonder lesers of dié inwoners enigsins nog trots is op die juweel van die Karoo.
Is die inwoners enigsins betrokke by die onderhoud, en instandhouding van die dorp, want waar die dorpsbestuur faal, moet inwoners deesdae landswyd hand in eie boesem steek, en self hier-en-daar iets regmaak om dit vir hulself meer aanvaarbaar te maak.
Tog is die brief van Chantal Govender Davecharran aan die Graaff-Reinet Advertiser werklikwaar ‘n riem onder die hart, want sy het haar insigte en vreugde gedeel nadat sy Graaff-Reinet en Nieu-Bethesda van 7 tot 11 April besoek het.
“Ek deel graag 'n paar foto's van ons 3-dag ‘road trip' in die eerste week van April, waartydens ons besienswaardighede in Graaff-Reinet, Nieu-Bethesda en Cradock, ook die Nasionale Bergkwagga Park, besoek het,” skryf Davecharran.
“Graaff-Reinet was ons gunsteling dorp.
Ons het middagete by Maria's Coffee geëet.
Die restaurant is pragtig versier en het 'n nuwerwetse atmosfeer.
Die spek-toegedraaide jalapeños-voorgeregte was absoluut heerlik. Die burgers vleis en porsies was ruim en dan was daar natuurlik heerlike koffie.
Ons het ook 'n sak boontjies gekoop om huis toe te neem.
Die stap deur julle dorp om drie van die hoofmuseums te besoek en meer te leer oor die geskiedenis van hierdie pragtige dorp, was ‘n ervaring wat ons voorwaar nooit sal vergeet nie.
"Ons was opgewonde om die Vallei van Verlatenheid teen sononder te besoek. Ongelukkig was die wolkbedekking te veel om die effek van die sonsondergang op die vallei te waardeer, maar tog 'n pragtige gesig met al daardie rotsformasies.
"Vir aandete het ons Hello You probeer. Hulle het heerlike kos bedien in 'n pragtige omgewing. Die nageregporsies was ruim, en ek beveel die panacotta sterk aan. Ons het oornag by 'n pragtige, uiters skoon kothuis genaamd CatsWhiskers wat alles gehad het wat 'n mens nodig het en lekker klein dingetjies soos boeke, musiek, koekies, beskuit en sjokolade op die kussing. Dit was jammer dat dit net een aand was aangesien dit soos 'n huis weg van die huis was.
"Miskien was dit die vaal, motreënweer of die feit dat meeste van die winkels in Nieu-Bethesda gesluit was op 'n Vrydagmiddag en die dorp relatief rustig was, maar die dorpie het ons ongelukkig nie verras nie.
Dit lyk soos 'n plattelandse dorpie wat tot stilstand gekom het. Die Uilhuis was baie interessant, en ons was mal oor die sementbeelde.
Ons het die beste pizza in SA by Zalig's Pizza geproe.
Ons het die Karoo pepperoni en die Ramstal geniet, en hulle is nie skaam vir die ‘toppings’ nie en ons sal beslis weer daar stop vir die pizza. Die pas om vanaf Graaff-Reinet by die dorp te kom was 'n pragtige rit.
"Daarna het ons die aand in Cradock gaan oornag, aangesien ons beplan het om 'n dag by die Bergkwagga Nasionale Park deur te bring voor ons terugrit na Gqeberha.
"Ongelukkig was al die museums in Cradock reeds toe. Ons het by 'n pragtige selfsorgkothuis gebly by die historiese Tuishuise en 'Victoria Manor'. Lisa, die eienaar, was baie verwelkomend en vriendelik en het gereël dat ons van die ander huisies met verskillende temas versier kon sien.
"Die aandete en ontbyt was heerlik. Beste skaaptjops in die Karoo!
"Die uitgepakte ontbyt was ongelooflik en die personeel was uiters oplettend en het uit hul pad gegaan om te verseker dat hulle ons ontbyt presies voorberei het soos ons daarvan gehou het. Mountain Zebra Nasionale Park was ongelooflik. Vir my man was dit ‘n hoogtepunt om al die wild te sien. Ons het die ervaring terdeë geniet. Ons sal beslis weer die Karoo besoek.”
‘Ons bring jou die nuutste Tuinroete, Hessequa, Karoo nuus’
